Njála guovddážis go Felles Fjellrev čoahkkanii loahppakonferánsii

Čakčamánu 22. beaivvi rájes 24. beaivvi rádjái čoahkkanedje dutkit, luonddusuodjaleaddjit ja eará áššedovdit Kilpisjärvi biologalaš stašuvdnii Suomas Felles Fjellrev: Together for the arctic fox -prošeavtta loahppakonferánsii.

Konferánsa šattai árvvus adnon vejolašvuohtan lonohallat máhtu, ságastallat ja ovttas geahččat ovddos guvlui njála seailluheami barggus Fennoskándias. 

Konferánssas ovdanbuktojuvvojedje áigeguovdilis dieđut njála dili birra Ruoŧas, Norggas ja Suomas ja vásáhusat prošeavtta luonddusuodjalandoaibmabijuin. Oassálastit ožžo earret eará gullat bohtosiid doarjjabiebmama, riebana váikkuhusa, genetihka ja dávddaid birra ja das, mo njálat lihkket riikkarájiid rastá.

Vaikko Felles Fjellrev -prošeakta dál lahkoná loahpa, de rádjerasttildeaddji ovttasbargu joatkašuvvá. Njála ii dovdda riikkarájiid, ja guhkesáigásaš ovttasbargu Ruoŧa, Norgga ja Suoma gaskkas lea ain dehálaš Fennoskándia njálapopulašuvnna nannemis. Konferánsa lei danin sihke prošeavtta čoahkkáigeassu ja vejolašvuohta geahččat ovddos guvlui oktasaš barggu čuovvovaš lávkkiide.

Itgo beassan searvat konferánsii? Čakčamánu 23. beaivvi konferánssa ovdanbuktimat báddeduvvojedje, ja daid sáhttá geahččat maŋŋá. Geahča báddema YouTube:s dás: https://www.youtube.com/watch?v=rcel4NxDnrQ